
马尔巴大师教言集MARPA24འོད་གསལ་དོན་བཞི་མ།
2-1-71b
༄༅། །འོད་གསལ་དོན་བཞི་མ།
༄༅། །འོད་གསལ་དོན་བཞི་མ་བཞུགས་སོ། །བླ་མ་དམ་པ་རྣམས་ལ་ཕྱག་འཚལ་ལོ། །སྤྱིར་རྗེ་བཙུན་གྱི་གདམས་པས། འོད་གསལ་རྣམ་པ་བཞི་ལས། དང་པོ་རང་བཞིན་གྱི་འོད་གསལ་ནི། བརྟན་པ་སྣོད་ཀྱི་འཇིག་རྟེན་དང་གཡོ་བ་ནང་བཅུད་ཀྱི་འཇིག་རྟེན་ནམ་སྣང་གྲགས་ཀྱི་ཆོས་ཐམས་[རྔོག་གི།] ཅད་འོད་གསལ་ལས་ཡེ་མ་འདས་པ་ཡིན་ཏེ། ཆོས་ཐམས་ཅད་འོད་གསལ་ཡིན་པས། དཔེ་མཁའ་ལ་སྤྲིན་བྱུང་ཀྱང་གནས་ཀྱང་དེངས་ཀྱང་ནམ་མཁའ་ཉིད་ཀྱི་ངོ་བོར་དེངས་པ་བཞིན་དུ། ཆོས་ཐམས་ཅད་བྱུང་ཡང་འོད་གསལ་ལས་བྱུང་། གནས་ཀྱང་འོད་གསལ་དུ་གནས། དེངས་ཀྱང་འོད་གསལ་དུ་དེངས་པའོ། །དེ་ཡང་ཆོས་ཐམས་ཅད་འོད་གསལ་སྟོང་པ་ཡིན་པས་ན།འགྲོ་ཡང་རུང་། འདུག་ཀྱང་རུང་། ཉལ་ཡང་རུང་། མི་མང་པོ་དང་གླེང་ལ་ས་གཏོང་ཡང་རུང་། དགེ་སྦྱོར་གཞན་མ་དང་། ཟས་ཟ་བ་བྱ་བ་ཅི་བྱེད་ཀྱང་འོད་གསལ་ཡིན་ཏེ། འོད་གསལ་ཡིན་སྙམ་དུ་གློས་བཞག་གིས་ཡང་དང་ཡང་དུ་བ་སྒོམ།། །།སྒོམ་པའི་འོད་གསལ་ནི། རང་ཞལ་བརྒྱད་ཕྱག་བཅུ་དྲུག་པར་སྐད་ཅིག་གིས་མོས་པ་བྱས་པའི་སྙིང་པདྨ་ཉི་མའི་སྟེང་དུ་ཡི་གེ་ཧཱུྃ་ལས་འོད་འཕྲོས་བརྟན་པ་སྣོད་ཀྱི་འཇིག་རྟེན་གཡོ་བ་ནང་བཅུད་ཀྱི་སེམས་ཅན་ཐམས་ཅད་ལ་བསྡུ། དེ་ཡི་དམ་ལྷར་བསྒོམས་
2-1-72a
པ་ལ་བསྡུ། །ཕྱག་བཅུ་དྲུག་པ་དེ་སྤྱི་བོ་ནས་ཡས་ཞུ་རྐང་མཐིལ་ནས་མས་ཞུ། དེ་ཞབས་ཀྱུ་ལ། དེ་ཧ་ལ། དེ་ནཱ་ད་ལ། ནཱ་ད་སྟོང་པ་འོད་གསལ་དུ་ཕྱ་ཡིས་བསྒོམ་མོ། །དེ་ལས་བྱིང་ན་རང་ལྷའི་སྐུ་བསྐྱེད་རིམས་བར་དུ་གསལ་བཏབ་ཀྱི་ཡང་འོད་གསལ་དུ་ཞུ་བའི་བར་དུ་ཡང་ཡང་བསྒོམ་མོ།། །།[བུན་གྱིས་བསམ།] གཉིད་ཀྱི་འོད་གསལ་ནི། དེ་ལྟར་བསྒོམས་པས་གཉིད་ཀྱི་འོད་གསལ་ཟིན་ཏེ་འོང་བའོ།། །།འཆི་བའི་འོད་གསལ་ནི། འཆི་བའི་དུས་སུ་བར་དོའི་འོད་གསལ་དེ་ལྟར་བསྒོམས་པས་ཟིན་ནས་འོང་སྟེ། དེ་ལྟར་འོད་གསལ་བཞི་པོ་ཕར་ལོག་ཚུར་ལོག་བྱས་ནས་ལམ་དུ་སློང་སྟེ། ནན་ཏན་དུ་བསྒོམ་པ་ལ་སྟེར་བ་ལས་གཞན་ལ་མི་སྟེར། [བཀའ་རྒྱ། ཞོ་རར་གསུངས་པའོ། །[བཀའ་རྒྱ། ཞོ་རར་གསུངས་པའོ། །]] རྗེ་བཙུན་རྔོག་གཞུང་གདམས་པའི་དུས་སུ་གསུང་ངོ་།། །།ཨྠྀི།


目录
འོད་གསལ་དོན་བཞི་མ།